I felt so weak when I woke up. Hawak ko ang dibdib ko na para bang hapong-hapo ako mula sa pagkakatakbo. Tinatakasan ko ang mga napapanaginipan ko. Akala ko totoo na ang nangyayari sa akin, na sinasakal ako nina Ashley. Ngunit bakit nga ba nakita ko na rin si Ashley sa panaginip ko? Nanunuyot ang lalamunan ko, marahil ay dahil sa kakasigaw ko sa panaginip. Nilingon ko ang cellphone ko at nakitang ala-singko pa lang ng umaga. Patay na rin ang call namin ni Joshua kagabi. Nakahinga ako ng maluwag dahil hindi siya magigising sa sigaw ko kung sakali na naka-on call pa rin kami at maririnig niya ang sigaw ko dahil sa panaginip.
Mabilis kong isinuot ang indoor slippers ko saka bumaba ng bahay para uminom ng tubig. Ngunit laking gulat ko na lamang nang makita ko kaagad sila Mom and Dad sa hapagk
