“Miss Scarlett?”
Napabalik ako sa reyalidad nang tawagin muli ng kaharap kong police officer ang atensyon ko. Tinignan ko siya muli saka napakunot ang noo. “May kakambal po ba ang boyfriend mo na si Mr. Joshua Rocafort? Dahil kahit kami noong pinanood namin ‘to ay naguluhan kami. Base sa unang footage ay mukhang sinadya ng lalaki na ‘yan na tumawid kahit na hindi naman naka-stop ang mga sasakyan at sinadya niyang mabilis na tumawid na para bang gusto talaga niya na magkaroon ng aksidente. Sa ikalawang footage naman nang matapos ang aksidente ay nagpakita pa siya at inilapit ang mukha sa dash cam na siyang nakakagulat,” paliwanag ng police officer sa akin.
Nakita ko ang kamukhang-kamukha ni Joshua na humarap sa dash cam niya. “Pwede bang ulitin mo ang footage na nasa dash cam ni Joshua,”
