Kabanata 46
Hinding hindi na aalis
Hindi ko maitatanggi sa sarili ko ang nag-uumapaw na sayang nararamdaman ko sa mga oras na yun. Ang sarap sarap sa pakiramdam ang mayakap siyang muli ng ganito. 'Tsaka ko na lang siguro iisipin ang malaking problemang nag aantay sa amin. Sa ngayon gusto ko munang hayaang sumaya ang sarili ko. Iba na ang sitwasiyon ngayon. Hindi na ako pwedeng basta na lamang magdesisyon dahil magkakaanak na kami ni Nicholas. Hindi ko na siya pwedeng basta basta na lang na iwanan.
"Marry me again, Apple. Marry me for real, baby please..." nagsusumamong bulong niya sa tainga ko. Bumagsak ang pinipigilan kong luha sa aking mga mata nang sabihin niya iyon. Ang lahat ng rason ko upang wag siyang balikan ay para bang naglahong bigla dahil lang sa sinabi niyang iyon. Wala na
