By Michael Juha
getmybox@hotmail.com
fb: Michael Juha Full
----------------------
“Bakit ka kasi nagsinungaling ma!”
“Bakit ako nagsinungaling? Di mo alam? Ni-rescue kita, gaga! Kung hindi ko sinabi iyon, e di sana ay patay ka na, patay na tayong lahat! Ikaw ang target niya. Nakabunton ang galit niya sa iyo! Nilaslas na niya ang mga mata mo. Gusto mo pa bang hintayin na ibaon ang bala ng baril niya sa mga bungo natin? Gusto mo bang titingnan ko lang siya habang kinakatay niya tayo? O gusto mong tawagin ko si Darna? Maghintay ng himala? Hihinto ba si Archie kung ang sasabihin ko lang ay, ‘Archie type kita!’ o ‘Archie, bukas ang zipper mo!’ Ganoon?” ang inis na paliwanag ng inay.
“Oo nga, ma. Maaaring nasalba mo ako. Pero tingnan mo naman, ikaw ang papatayin ni Archie kapag n
