Mavvie.
"Ohhhh! Bakit natulala ka na d'yan Mav?"
Naibaba ko kaagad ang cellphone nang marinig ang boses ni Anne saka siya binalingan. Umiling ako at ngumiti.
"Wala may nakita lang!" Aniko saka inayos ang sarili.
Hindi na tumagal nang magsimula narin ang program.
Minabuti kong ituon ang sarili sa panununod ng mga palabas para sa unang bahagi ng event. Hindi ko na rin pinapansin pa ang panaka-nakang tukso ng iba, kung alam ko namang may mga tamang nakatingin sa akin mula sa malayo.
Pawang mga nakangiti at tawanan ang naganap sa program dahil sa mga drama at sayawang pinakita ng mga istudyante. Hindi namin ramdam ang bagot dahil nga sa mga nakakatuwang palabas.
Maya-maya pa'y naramdaman ko uli ang pag vibrate ng cellphone ko. Sinilip ko iyon ng palihim at nakita uli ang text messa
