“Ano pong pangalan ninyo kuya? Kilala mo na po kami diba? Kaano-ano ka ni Mamay? At bakit mo pinapasira ang bahay namin?” sunod sunod na tanong ni Jewel. Sumubo pa ito ng sinangag at nginuya iyon habang nakatingin sa kaniya na para bang nag- aabang ng sagot.
Napatigil naman siya sa pagkain at napatingin din dito pagkatapos ay kay Jion na patuloy lang sa pagkain. Tahimik lang itong ngumunguya at parang wala itong pakialam sa kanila.
Gustong makamot ni Giovanni ang sariling batok. f**k! Paano niya sasabihin dito na pinapasira niya ang bahay ng mga ito dahil naghihiganti siya sa pang- iiwang ginawa sa kaniya ni Annina. At bakit ba nauumid ang dila niya sa harap ng mga batang ito? Double f**k.
“Ahm,” bahagya siyang tumikhim na para bang tinatanggal ang bara sa lalamunan niya kahit wala nam
