Halos mahigit ang hininga nila pareho sa tiim ng titig ni Nanay Meling. Seryoso ang mukha ni Gio pero ramdam niya ang panginginig ng kamay nito na nakahawak sa likod na laylayan ng t-shirt niya. Gumagalaw din ang adam's apple nito.
Gusto niyang matawa doon pero pinigilan niya dahil baka pareho silang mapagalitan ni Nanay Meling. Medyo makalumang tao pa naman ang matanda.
Asan ang tapang mo, Giovanni Alejandro? Sa isip na lamang niya tinawanan ang binata.
Isinuot ni Nanay Meling ang salamin nito. “O? Ikaw nga, ‘nak. Hindi kita mapagsino kanina. Malabo na talaga ang mga mata ng matandang ito,” ngumiti sa kanila ang matanda.
Tila nabunutan sila pareho ng tinik at naibuga ang kanina pa pinipigil na paghinga. Mabuti at hindi sa mamukhaan ng matanda sa malayo pati ang ginagawa nila. Kundi ay
