Kagaya ng sinabi ni Bryson, may pumunta na kalalakihan dito para ihatid ang mga gamit ko. Nagulat ako sapagkat halos lahat ng gamit ko ay dala nila maliban na lang sa mga gamit ko sa kusina. Matapos nilang ipasok ang mga gamit ko ay ay nagpaalam din sila kaagad dahil may gagawin pa raw sila.
Hinarap ko naman si Bryson na nakatayo malapit sa akin habang nakasandal sa pader.
"Sigurado ka ba na dito mo muna ako papatirahin? Puwede naman na sa apartment ko pa rin ako tumuloy. Wala naman na sila at sadyang malas lang talaga no'ng araw na iyon kaya nakasalubong ko sila pero pangako, mag-iingat na ako."
Napaasik naman siya bago umiling.
"No. My decision is final. You'll stay here with me."
Akmang aalma pa sana ako nang matigilan ako sapagkat seryoso siya. Sa huli ay tumango na lamang ako a
