Sa loob ng dalawang buwan na pananatili namin dito ay puro pagpapahirap ang pinaranas ng pamilya ko kay Bryson. Pinahirapan nila si Bryson sa pamamagitan ng pagtatanim ng palay, pag-iigib ng tubig, pagdakip ng baboy, pangangahoy, pangangararo, at iba pa. Sa palagay ko nga ay mas magaling na siya kaysa sa akin na matagal nang naninirahan dito at dito na rin lumaki.
Hindi ko alam kung paano nakayanan ni Bryson na gawin iyon sa kabila ng katotohanan na lumaki siya sa marangyang buhay pero kahit ganoon ay nagpapasalamat ako sa pagsasakripisyo at pagiging matatag niya. Siguro kung ibang lalaki iyon ay una pa lang ay sumuko na sila. Pero iba siya, iba si Bryson at dahil sa ipinakita niya ay mas lalo ko pa siyang minahal. Pinatunayan niya na hindi lamang katawan ko ang habol niya. Pinatunayan ni
