Masama ang mukha ko na nakatingin sa babaeng katabi ni Bryson na abala sa pangungulit sa kaniya. Panay ang dikit nito kay Bryson habang panay naman ang iwas ni Bryson sa kaniya. Halatang naiirita na si Bryson dahil bukod sa mainit na panahon na dahilan ng tagaktak na pawis niya ay panay pa ang lapit sa kaniya ni Cassie na siyang nakakaabala at nagpapatagal sa trabaho niya. Panay rin ang daldal ni Cassie na dinig na dinig hanggang dito sa puwesto ko.
Ngunit kahit anong gawin ni Cassie na pagpapapansin kay Bryson ay hindi pa rin niya ito pinagtutuunan ng pansin at pinagpatuloy lamang ang pagsaboy ng pataba sa palay. Hindi niya ito kinausap o binigyan man lang ng sulyap.
Nang mapagod at magsawa si Cassie ay umalis na siya roon at padabog na nagmartsa patungo sa direksyon ko. Dumiretso siy
