PUMASOK KAMI ni Eugene sa loob ng bahay ng pamilya ko. Nauna pa talaga siyang pumasok at hindi alintana kung masaksak siya ni daddy.
Nang makapasok ako ay bumungad agad sa paningi ko si daddy at mommy na nakaupo sa mahabang sofa. Tila ba'y hinihintay nila ang pagdating namin.
"My Sunshine.." tawag sa 'kin ni mommy kaya agad akong tumakbo papunta sakanya at yumakap.
"Mommy.." sambit ko habang yakap siya ng mahigpit. Hinaplos niya ang likod ko habang nakasubsob ako sa tiyan niya na parang bata.
"Mabuti naman at umuwi ka na. Miss na miss na kita." Dinig kong sabi ni mommy na alam kong umiiyak.
Nag-angat ako ng ulo kaya nagkatitigan kami ni mommy. Pinahid niya ang luha ko saka ngumiti.
"Masaya kami ng papa mo na umuwi ka. Hindi mo narin piniling mag-isa." Saad ni mommy habang hinahapl
