NAKATULALA AKO habang mag-isang nagkakape. Nandito ako ngayon sa laundry area para maglaba. Sobrang aga kong nagising dahil iniisip ko parin ang sinasabing multo ni sir Perseus. Pati tuloy sa kwarto ko ay nag-iisip narin ako na may multo. Hindi tuloy ako makatulog kanina, nakatulog man pero saglit na saglit lang.
Ganito talaga ako pag may nag kwe-kwento sa 'kin ng multo-multo na yan. Matagal ako makalimot. Kaya inagahan ko maglaba ngayon, dahil gusto ko sanang sumama kay sir Perseus sa office niya kung pwede. Kahit taga timpla nalang ako ng kape niya do'n basta hindi lang ako maiwan sa bahay mag-isa. Kasalan 'to ni sir Perseus eh, tinakot niya ako, hindi na tuloy mawala sa isip ko.
Sinuot ko pa talaga ang bigay sa 'kin ng tiyahin ko na rosaryo. Nasa wallet ko yun pero ngayon sinuot ko,
