HINDI madali ang lahat dahil walang madali sa mundo pero kung puro pagluha lang ang gagawin ay mas lalong bibigat ang problema. Ang lahat ng pighati ay hindi dapat idinadaan sa mga iyak at paglukuksa.
Iyon ang paniniwala ko sa buhay. Kahit masakit na masakit na ang mga pagsubok sa buhay ko ngayon ay kinukumbinse ko pa rin ang sarili ko na wag umiyak. Tila may mga patalim na paulit ulit na tumatarak sa puso ko ng muli akong magising.
Akala ko masamang panaginip lamang ang lahat pero nang maidilat ko ang aking mga mata na balot pa rin ng kadiliman ang bumungad sa'kin ay doon ko napatunayanag totoo ngang wala na akong paningin.
Mapait akong napangiti lalo ng maramdaman kong may nakahawak sa kamay ko at nilalaro ang mga daliri ko. Iginalaw ko ang malaya kong kamay at kinapa ang tabi ko. Me
