Mahigit isang ektarya rin ng lupa ang kinain ng ilat bago ang kagubatang pumapaikot sa kaharian ng ahas. Ang malabong tubig doon ay napupuno ng mga halamang nabubuhay sa tubig, pinaghalong mga tuyong kahoy at lumot. Bumaba ng lipad ang gripin dahil nauubusan na si Nip ng enerhiya para paliparin ang espiritu. Kung kaya't kitang-kita ko ang mga isdang maiitim na lumalangoy sa mababaw na tubig sa ibaba habang nakamasid ako rito.
Ilang sandali pa'y sinundan namin ang kahabaan ng tulay na nababalot din ng lumot lalo na ang ilalim na bahagi nito. Umiikot pa rito ang manipis na hamog na nahawi sa pagdaan namin doon. Ang tulay na iyon ang kumokonekta sa katapusan ng lupain ng kaharian ng lobo at ng kaharian ng ahas. Dati ang dalawang kaharian ay hindi magkasundo ngunit matapos na mapangasawa ng
