Ilang mga puno pa ang aming nalampasan bago namin marating ang baryo na iyon na makikita sa malawak na puwang ng lupa. Ni isang kaluluwa'y walang makikitang palakad-lakad sa daan. Napansin ko kaagad ang bagay na iyon sa paglampas namin sa unang bahay.
Tuluyan nang nagtago ang araw kaya mas nakakakaba roon para sa ibang hindi sanay. Maging ang mga bahay ay para namang walang nakatira dahil ni ang pagningas ng mga apoy sa lampara ay tila tinatago ng mga taga-roon. Napapatitig ako sa mga ito na hindi tataas ng dalawang palapag sa pagdaan namin. Pare-pareho ang pagkagawa ng bawat bahay. Lahat ng mga bintana at pinto'y saradong-sarado. Bilang lang sa mga daliri ang mga bahay na nakatayo roon.
Ang katahimikang nakabalot doon ay nagpapahiwatig na hindi maganda ang nangyayari roon. Hindi ko tul
