Si Nip na ang kusang nagdala ng mga kinainan na nilagay niya sa lababo. Kasabay niyon ang pagpasok ni Grib ng bahay na katatapos lamang sa paglalaba. Sinara nito nang maigi ang pinto bago ito lumapit sa amin.
"Saan iyon pupunta?" ang naitanong ni Grib sa pagtayo nito sa tabi ng mesa. Tiningnan nito ako nang maigi kaya nalaman kong ako ang tinatanong. Sinagot ko lang ito ng kibit-balikat dahil hindi ko rin naman talaga alam. "Hayaan mo na. Babalik din naman siguro iyon kung dito matutulog," dagdag pa nga nito.
Naibaling nito ang atensiyon kay Nip nang maglakad ang kaibigan ko sa likuran ko. "Saan ba iyong hihigaan namin?" tanong ni Nip.
"Nasa taas. Hali na kayo para makapagpahinga kayo nang maaga," sabi naman ni Grib na iba kung nakatingin sa hubad barong si Nip. Nagsindi ito ng kandila
