Isang linggo na ang lumipas simula nang mamatay ang ina ni Isabela. Hanggang ngayon ay hindi pa rin siya makapaniwala sa lahat ng nangyayari. Sa buong linggong pagluluksa niya ay hindi na siya nagpakita pa sa ABC Publishing House. Maski naman si Uno ay hindi na rin nagpakita o nagparamdam man lang sa kaniya. Nakatulong naman iyon upang kahit papaano ay mabawasan ang galit na nararamdaman niya.
Ngunit sa tuwing nararamdaman niyang mag-isa na lamang siya sa munting bahay nila ay muling bumabalik ang galit niya. Sa tuwing naaalala niya na wala nang ina na mag-aasikaso at sasalubong sa kaniya sa pag-uwi niya, sobrang galit ang nararamdaman niya na halos kamuhian na niya ang binata.
Kasalukuyan siyang nag-aayos ng gamit ng ina nang makita niya ang isang brown envelope na naglalaman ng malakin
