Mabilis na naubos ng dalawa ang isang bucket ng beer. At dahil sa hindi naman gaano kasanay uminom si Isabela ay nakakaramdam na siya ng hilo. Ramdam din niya ang pag-init ng kaniyang mga pisngi kaya alam niyang medyo lasing na siya. Nakakailang kanta pa lang ang Marasigan Triplets ay may tama na siya agad.
"Inom pa tayo," wala sa sariling sambit ni Isabela kay Fyra.
Agad namang napalingon sa kaniya ang dalaga. "What? Ano ka ba, Atasha? Maglalasing?" hindi makapaniwalang tanong nito.
Napangisi naman si Isabela. "Hindi ba't ito naman ang gusto mo? Ang mag-away kami ng kuya mo kaya pinapagawa mo sa akin ang mga bagay na ayaw niya."
"O yes. Pero hindi naman ako papayag na kaladkarin mo ang pamilya namin. Lasing ka na at baka kung ano pang eskandalo ang gawin mo," mataray na sambit naman n
