“Mom, Dad, what are you doing here?”
Ito agad ang bungad ng magkakapatid nang salubungin sila ng kanilang mga magulang pagkababa nila ng barko. Nasa probinsya na sila at nagulat sila nang makitang nakaabang na pala ang magulang nila na sina Kean at Agatha.
“Iyan ba ang tamang pagbati sa amin?” imbes ay tanong naman sa kanila ng ama.
Agad na nagsilapitan ang apat upang magmano. Napangiti naman si Isabela na nanatiling nakatayo lamang hindi kalayuan sa mag-anak. Maski siya ay nagulat na nandito ang mga magulang ni Uno. Buong akala kasi niya ay sa resort na o sa tahanan niya makikilala ang dalawa.
“Kumusta ang byahe niyo?” malumanay na tanong naman ni Agatha, ang kanilang ina.
“Nakakapagod po, Mommy. Mabuti na lamang at sinundo niyo kami. Sa sasakyan niyo na ako sasabay ha,” paglalambing
