Biglang nakaramdam ng takot si Isabela nang magsimula nang umandar ang barko. Napahinga siya ng malalim upang pakalmahin ang sarili. Natatakot siyang sumakay sa barko sapagkat hindi siya marunong lumangoy. At isa pa, ito rin yata ang kauna-unahang pagkakataon na malalayo siya sa kaniyang ina.
Nag-iisa lamang siya sa may upuan sapagkat ang apat na magkakapatid ay nag-uusap usap sa may gilid ng barko. Hindi na siya nag-abala pang makihalubilo sa mga ito dahil katulad ng sinabi ni Uno sa kaniya, ang pagsira sa engagement party ang focus niya.
Hindi na rin nagawa pang mag-usap nilang dalawa sapagkat nagwalk-out din siya kanina. Nang makasakay naman sila ng sasakyan ay hindi na siya nag-abala pang magsalita. Maski naman si Uno ay hindi na siya inimikan pa hanggang sa mga oras na iyon.
Sa to
