Makalipas ang apat na oras ay sa wakas ay nakarating na sa port sina Isabela. Napuno ng katahimikan ang apat na oras nilang biyahe kaya naman inip na inip si Isabela. Nakakaramdam na rin siya ng gutom dahil hindi na siya nakapag-almusal pa bago umalis ng bahay.
“Kuya, I’m hungry,” pagbasag ni Fyra sa katahimikan.
“Then let’s eat,” seryosong sabi naman ni Uno.
Imbis na bumaba na ng sasakyan dahil nasa port na sila ay muling nagmaneho si Uno pabalik sa kabayanan. Lihim na napailing si Isabela. Ganoon yata talaga kapag nag-iisang babae at bunso pa sa magkakapatid, masyadong spoiled. Hindi niya kasi alam ang mga bagay na iyon dahil wala naman siyang kapatid, maski nga ama ay wala rin siya. Kaya kung tutuusin ay napaka-swerte ng magkakapatid na Marasigan, bukod kasi sa yaman na tinatamasa n
