Kumakalam na ang sikmura ni Isabela sapagkat halos maghapon na siyang hindi kumakain. Nang matapos naman silang mag-usap ni Uno kanina pagkagising niya ay hindi man lang siya inalok nito na kumain. Oo kinidnap siya ng binata ngunit nagugutom din naman siya, at gusto na niyang kumain. Iisipin na lang siguro niya mamaya kung paano makakaalis sa lugar na iyon sa oras na mabusog na siya.
Tumayo siya at nagbuklat ng cabinet. Medyo nagulat siya nang makitang maraming damit ang naka-hanger doon. Pumunta rin siya sa CR at nakitang kumpleto sa gamit doon. Napabuntong hininga siya. Bumalik siya sa cabinet at kumuha ng isang dress. Maliligo na lamang muna siya dahil nanlalagkit na rin siya sa kaniyang sarili.
Binilisan lang niyang maligo dahil baka umakyat na naman sa kwarto si Uno. Hindi niya gugu
