Hindi na muling bumalik pa si Uno sa kwarto ni Isabela. Hindi niya alam kung saan ito nagpunta o kung umalis ba ito ng resort. Pabalik balik siya sa kwarto dahil hindi siya mapakali. Hindi niya alam kung ano nang sunod niyang gagawin. Litong lito siya sa lahat ng nangyayari.
Napahinga siya ng malalim. Mababaliw yata siya kung mananatili lamang siya sa kwartong iyon. Madilim na sa labas at ni hindi man lang niya nalilibot pa ang resort. Pagod siya sa biyahe kanina ngunit alam niyang hindi siya makakatulog.
Bigla niyang naalala na may Leisure Room nga pala sa resort na ito. Nakalagay kasi ito sa catalogue ng resort na nakapatong sa table. Kaya naman mabilis siyang nagtungo sa kaniyang mga damit at namili ng dress na binili pa sa kaniya ni Uno. Kahit papaano naman ay marunong din siyang mag
