Khloe Amelia's POV
Hindi mawawala ang ngiti sa labi ko habang pinagmamasdan ang araw sa labas ng kwarto ni Neandro. Ang sarap panoorin ang araw kung paano tumaas.
Bagong araw na isa sa mga dahilan kung bakit dapat bumangon. Napasipsip ako sa kape ko at napaharap kay Neandro na mahimbing pa rin ang tulog. Maaga pa naman kaya hahayaan ko na lang siya.
Humakbang ako papunta sa kama niya at ginawaran siya halik sa noo. Pagkatapos ay tumalikod na ako sa kanya. Ngayon pa lang ako lalabas dahil kahapon buong araw kaming nasa kwarto niya at nagpapadala lang ng mga kailangan namin sa mga katulong.
Kailangan ko ng lumabas ngayon at sa tingin ko naman wala na ang babaeng 'yon. Pinihit ko pabukas ang kwarto ni Neandro at naglakad palabas bitbit pa rin ang mug ng kape na wala ng laman.
