Mataman na nakatingin si Ridge sa akin habang ako ay nananatiling nakatulala sa kanyang harapan. Ngunit mabilis kaming napalingon na dalawa sa gawing kanan namin nang may marinig kaming paparating.
“Sinong nandyan?” tanong ng isang guro habang may hawak itong isang flashlight. “Hoy! Kayo talaga!” sigaw pa nito at mula sa dilim ay may grupo ng mga estudyante ang nagsipagtakbuhan sa harapan namin ni Ridge pabalik sa venue ng kasiyahan ngayong gabi.
Hindi naman kami ang sinita ng guro na iyon dahil wala naman kami sa dilim at wala naman kaming kasalanan na ginagawa ni Ridge. Pero ewan ko ba kung bakit sobra akong kinakabahan nang mga sandaling iyon. Hanggang sa mabilis akong hinawakan ni Ridge sa kamay ko saka niya ako hinila sa kung saan at sabay kaming tumakbo.
Sa huli ay natagpuan na la
