Malakas ang bawat pagkabog ng dibdib ko dahil sa kakaibang kaba na nararamdaman ko. Bukod doon ay nakaramdam din ako ng pagkailang dahil sa kakaibang mga tingin na ipinupukol sa akin ng mga taong nakakasalubong at nakakasabay ko sa paglalakad. May mga napapatitig sa akin at mayroon din namang mga napapa-second look. Hirap akong napalunok kasunod ng marahan kong paghila pababa ng paldang suot ko at ng blouse ko. Paulit-ulit ko iyong hinihila na para bang kapag ginawa ko iyon ay kusang hahaba agad ang mga suot ko.
Lunes ngayon at ito ang unang pagkakataon na magsuot ako ng maayos at fit na school uniform. Sa totoo lang ay hindi ko din alam sa sarili ko kung bakit biglang pumasok sa isipan ko na ipaayos kay Nanay ang school uniform ko. Ilang beses na kasi akong sinabihan ni Nanay noon na aay
