Kitang-kita ko sa mga mata ni Nanay ang labis na pagkatuwa na makita ngayon si Tatay. Kahit na hindi niya sabihin sa akin, ay alam ko naman na isa ito sa pinangarap niyang mangyari sa aming dalawa. Ang makasama namin si Tatay sa isa sa mga espesyal na araw sa buhay namin.
Sanay ako na walang pakialam sa akin si Tatay. Pero sa kabila no’n ay pino-provide naman niya ang mga pangangailangan namin at sinusustentuhan naman niya kami. Pero sa buong buhay ko, ngayon lang niya ako binati sa kaarawan ko. Madalas siyang nagpapadala ng cake para sa akin pero never siyang nagpakita sa tuwing birthday ko, na para bang pinagsisisihan niya ‘yong araw na dumating ako sa buhay niya. At dahil doon, aaminin ko na naiinggit ako kay Ate Mau noon dahil sa pagmamahal niya para kay Ate na kahit minsan ay hindi n
