"Yes, baby, kung saan si Mommy, dapat doon rin tayo, para sama-sama tayong palagi na pamilya." sagot ni Daniel, saka niya hinalikan ang noo ni Lib.
Lumapit na rin si Thisa sa mag-ama at umupo sa kaliwa ni Daniel, saka niya dinampian ng halik ang lips ng asawa.
"Good morning, love." mahinang sambit ni Thisa, ngunit malinaw na malinaw na narinig iyon ni Daniel.
Parang musika naman ito sa pandinig ni Daniel, kaya napangiti siya ng abot hanggang tainga. Inakbayan rin niya si Thisa, bago siya sumagot.
"Good morning, my love." tugon ni Daniel, saka muling dinampian ng halik ang lips ni Thisa.
"Daddy, sabi ni Mommy sa 'kin kagabi, kapag magaling kana daw po ay ipapasyal niyo ako sa Disney Land? Daddy, bilisan mo na magpagaling. Gusto ko na makita si Mickey at Minnie Mouse." -Lib.
Nagk
