CHAPTER 22
THIRD PERSON POV
Nasa kusina pa rin sina Rara at Bakikong. Habang tinatapos nila ang mga natitirang gawain, bigla na lang tumigil si Rara sa paglalagay ng icing sa cake at lumingon kay Bakikong. Kitang-kita sa kanyang mga mata ang determinasyon at pagmamahal.
"Bakikong," tawag niya sa malambing na boses.
Lumingon si Bakikong sa kanya, nakangiti pa rin mula sa kaninang mga biro. "Bakit, Rara? May gusto ka bang sabihin?"
Huminga nang malalim si Rara. Pilit niyang pinatatag ang loob niya bago binitiwan ang mga salitang nagpapakabog sa puso niya. "I love you, Mahal kong Bakikong. Till death do us part."
Nagulat si Bakikong. Tumigil siya sa ginagawa niya, at saglit na hindi nakapagsalita. Hindi niya inasahan na maririnig niya iyon mula kay Rara, lalo na sa ganitong pagkakataon.
