BERNADETTE
Alas onse na ng gabi nang marating namin ang bahay. Ang tagal pala namin sa bar. Sa restaurant ay parang isang oras lang kaming nanatili roon. Hindi na bumaba sa sasakyan si Braden para ihatid ako sa loob dahil mukhang antok na ang lalaking iyon.
Hinanap ko ang susi sa bag ko nang nasa harapan na ako ng pinto. Ayokong istorbohin pa si Luna, baka mahimbing na ang tulog ng batang iyon. Kinalkal ko ang loob ng bag ko, ngunit hindi ko makita ang susi. Natampal ako sa noo nang maalalang naiwan ko sa opisina ang susi ng bahay. Wala akong choice kundi mag-doorbell.
Pipindutin ko na sana ang doorbell nang biglang bumukas. Nagkagulatan pa nga kami ni Fernan. Napatitig ako sa kanya dahil mukhang kagigising lang niya. Nakasuot siya ng black pajama at plain white t-shirt. Medyo magulo an
