Umarya ulit ang hilo ko. Umiikot ang mundo ko sa hindi ko malamang dahilan. Gusto kong bumangon para hanapin si Jayson pero pakiramdam ko kung tatayo ako, babagsak din agad ako.
"Jayson.." Napasimangot ako. Gusto ko ng yakap.
Bahala na, 'yan ang lakas loob kong inisip habang bumabangon mula sa pagkakahiga sa kama. Umupo muna ko saka nagsuot ng tsinelas pambahay bago dahan-dahang tumayo.
Hinanap ko ang asawa ko sa buong bahay nila pero wala, hindi ko siya makita. Buti na lang at lumabas si Tita sa kwarto nila. Nagulat siya at mabilis na napaatras sa paglalakad.
"Hija, ginulat mo ako." Hinawakan niya ang dibdib niya. "Akala ko multo ka."
Napangiti ako ng bahagya. "Sorry po, Mama. Hinahanap ko lang po kasi si Jayson. Pagkagising ko po wala na siya sa kwarto namin," sagot ko.
"Baka kausa
