NANG gabing iyon ay hindi nakipag-usap si Chantalle kay Jave tungkol sa nalaman niya mula kay Jimmy. Hindi niya alam kung seryoso ba sa kanyang asawa gayong napag-usapan nilang walang mangyayari sa pagitan nilang dalawa. Ngunit kailangan niyang tuparin ang kahuli-hulihang hiling nito para sa pagwawakas ng kanilang kasunduan.
Pinag-iisipan niya ang bagay na ito kung kaya niya bang ibigay kung sakaling seryoso nga si Jave sa hiling nito. Laman ng isipan niya ito hanggang sa pagtulog.
Lumalalim ang gabi nang magising si Jave mula sa mahimbing na sana niyang tulog. Nilingon ni si Chantalle na tila isang batang natutulog dahil sa sobrang ka-inosentehan nito. Yakap nito ang isang stuff toy na pagong kung saan siya rin ang gumawa.
Hinawi niya ang buhok sa mukha ng asawa. Mataman niyang pina
