UMUWI man kami sa bahay na bigo ngunit ayos lang at may araw pa naman na makakausap ko siyang muli. Ipaparamdam ko sa kanya kung gaano siya kahalaga sa akin, sa aming lahat. Agad na sumalubong sa amin si Jimmy nang matanaw kaming papasok
“Ate Chan, nakausap mo ba si Charm?” agad na tanong ni Jimmy.
“Oo, kaya lang pinaalis niya ako noong sinabi ko sa kanya ang totoo.”
“Bakit raw?”
“Baka naguguluhan pa sa mga nangyayari kaya ayaw niya munang pag-usapan ito.”
“Subukan ko nga siyang kausapin bukas, sasadyain ko siya sa kanyang school,” ani Jimmy.
Kahit alam na niya ang totoo ay hindi siya nagbago sa pagtingin kay Charm, natutuwa ako at handa siyang makipagtulungan para maayos ang lahat.
“Oo nga, mabuti pang kausapin mo siya para hindi naman lubusang lumayo ang loob niya sa atin.”
“H
