Fiera
Hindi ko pa rin lubos na maisip kung bakit nangyayari ang mga ito sa akin, kung bakit ganito ang pinagdadaan ko. Ang gusto ko lang naman ay maging normal, magkaroon ng normal na pamumuhay hanggang sa aking pagtanda. Matiwasay na mamuhay kasama ang aking magiging pamilya at alagaan sila.
Bakit ba kasi nagawa ito ni Victoria? Ano ba ang pumasok sa isip niya at ako pa ang kanyang napagkadiskitahan? Bakit sa dinami-rami ng mga taong nabubuhay sa mundo ay ako pa. Ako pa ang napili niya upang maisakatuparan lang ang mga plano niya. Nahihirapan ako sa sitwasyon ko pero kailangan kong lumaban, kailangan kong maging matatag. Dahil alam ko na may naghihintay sa akin at iyon ay si Kaifier.
Alam ko kung gaano ako kamakapangyarihan ngunit hindi ko kaya na baguhin ang nakatadhana sa akin. Hind
