Kaifier
Kanina pa walang imik si Fiera habang naglalakbay kami upang maghanap ng isang taong may kakayahang malaman ang mga pangyayari sa nakaraan. Malalim ang kanyang iniisip at ramdam ko ang pabago-bago niyang emosyon. Sinubukan ko na pasukin ang isip nito pero hindi ko magawa. Nilagyan niya ng harang ang kanyang isipan. Talagang sinigurado niya na walang makakaalam ng mga bagay na tumatakbo sa kanyang isipan. Isa ka pa ring misteryo para sa akin ngunit alam ko sa puso ko na hindi kapahamakan ang iyong dala. Kampante akong mabuti ang iyong hangarin. Tulad ng aking ipinangako ay sabay nating aalamin ang mga misteryong nakabalot sa iyong katauhan.
Binitawan ko ang kamay niya saka iniharap sa akin, "May problema ba? Pagod ka na ba mahal? Gusto mo na magpahinga tayo?" Sunud-sunod kong tano
