[Again and again]
Kaharap ng pari sina Shigoy at Mikee habang suot ang damit pangkasal na nabili nila sa ukay-ukay kanina sa daan. Wala silang plano sa ganitong bagay kaya hindi nila iyon napaghandaan. Gusot-Gusot ang damit nila pero hindi iyon alintana ni Father dahil naka-focus ito sa librong hawak-hawak nito.
"Magsisimula na tayo," agap ng pari habang isinusuot ang eyeglasses nito.
"Ikaw...lalaki, Shin Dela Cuesta, iniibig mo ba ang babaeng ito at sinisiguradong mamahalin mo pang-habambuhay?"
"Naku, father, opo. Talagang-talaga." Banat ni Shigoy na noo'y siniko ni Mikee.
"Kung gayon, ikaw naman babae, buong puso mo bang tinatanggap na maging kabiyak itong lalaking.." sinipat ng pari si Shigoy at tiningnan mula ulo hanggang paa. Suot kasi nito ang tight jeans habang pinaresan ng
