Maingat silang pumasok sa eskinita at may mangilan-ngilan silang nadaanan na mga tambay. Meron din silang nakitang natutulog sa kalsada, nakatalukbong ng karton at ang iba naman ay kapirasong tela o diyaryo. Nalanghap ni Laurenne ang mabahong amoy sa paligid kaya nahirapan siyang huminga. Madilim sa gusali na kung saan ay may madadaanan silang hagdan na may limang habang lang, sira na ang ilang baitang nito kaya kailangan nilang maging maingat.
“Ang swerte natin. Good thing second floor lang ang pupuntahan natin sa halip na fourth floor,” sabi ni Maynard habang nakatingala sa tatahakin pa nilang hagdan. Madilim din sa itaas na bahagi ng gusali.
“Sumunod ka sa akin, Tweety.” Binuksan ni Maynard ang hawak na flashlight at nagsimulang humakbang pataas. Sumunod si Laurenne, nakikiramdam iton
