TYRION LANNISTER
Pinilit ko pa rin tumayo kahit na kanina pa ko nanghihina. Pinangtukod ko na nga lang ang isa kong kamay para mabilis akong makatayo. Pagkatapos ay agad akong tumingin sa isang misteryosong tao na bigla na lang sumulpot sa pagitan naming lahat.
Hindi ito gumagalaw, pero batid ko na nakatingin siya sa direksiyon ng mga kalaban. Nagsalubong ang dalawang kilay ko dahil sa pagtataka.
"Sino ka?"
Nakahinga ako ng maluwag nang marinig ko ang tanong ng kalaban na bagong dating. Kung gano'n ay hindi siya kakampi ng mga ito. Hindi pa rin ako nakampante sapagkat baka kalaban ko pa rin siya kahit na hindi siya kaanib ng kakampi ko ngayon.
"Hindi mo na kailangan malaman kung sino ako."
Nakatitig lang ako sa misteryosong tao habang naglalakad siya patungo sa direksiyon ko. Hi
