TYRION LANNISTER
Pagkagising namin sa umaga ay agad kaming dumiretso nina Rex at David sa habag-kainan. Habang naglalakad kami ay nililibot ko rin ang paningin ko sa aking paligid para hanapin si Rosa.
"Rex, David, at Tyrion! Dito!"
Sabay-sabay kaming napalingon sa tumawag. Nakita namin sina Rem, Aurora, at Rosanna na nakaupo na pala sa lamesa. Si Rem ay kumakaway pa sa aming direksiyon. Naglakad kami patungo sa direksiyon nila. Nang makalapit na kami sa kanila ay kaniya-kaniya na rin kaming humanap ng mauupuan. Umupo na lang ako sa pagitan nina Aurora at Rosanna. Pabilog naman ang lamesa namin e.
"Magandang umaga sa 'yo, mahal na prinsipe." Nakangiti akong binati ni Rosanna.
Ngumiti na lang din ako pabalik sa kaniya. "Magandang umaga rin sa 'yo."
Kahit nakaupo na kami ay patul
