TYRION LANNISTER
"Rem, may alam ka bang enchantment para matanggal ang lason na nasa katawan ni Rosanna? Kung hindi na 'tin ito matatanggal kaagad ay baka mamatay na siya ilang oras simula ngayon."
Nagsalubong ang dalawang kilay ni Rem pagkatapos niyang marinig ang sinabi ko.
"Enchantment?"
Napatapal ako sa aking ulo nang may maalala ako. Hindi nga pala nila ginagamit ang salitang enchantment sa mundong ito.
"Ang ibig kong sabihin, basta! May alam ka ba na p'wedeng gamot sa lason. Sa tingin ko ay nalason si Rosanna." Kinapa ko ang noo ni Rosanna.
Nakagat ko na lang ang aking ibabang labi nang maramdaman ko ang init mula kay Rosanna.
Lumuhod na rin si Rem at hinawakan ang kanang kamay ni Rosanna.
"Hindi na 'tin alam ang uri ng lason na nilagay ni Clark sa katawan niya. Kung hin
