TYRION LANNISTER
Iniling ko ang aking ulo nang may pumasok na ideya sa aking isipan. Mali lang siguro ako ng iniisip. Baka guni-guni ko lang ang nakita ko.
Tumayo ako at tumingin sa direksiyon ni Clark. Pagkatapos ay ngumiti ako sa kaniya nang magkasalubong ang aming mga mata.
"Kanina pa tayo magkasama at nakapunta na tayo rito, pero hindi mo pa nasasabi sa akin kung saang bayan ka nagmula."
Pansamantalang natigilan si Clark sa aking tanong. Tila may inisip pa siya saglit bago siya muling tumingin sa akin at sinagot ang tanong ko.
"Earth ang pangalan ng lugar na pinanggalingan ko. Sigurado ako na isa lang sa inyo ang nakakaalam ng lugar namin. Tama ba ko, Tyrion?"
Biglang nag-iba ang atmosphere sa paligid pagkatapos magsalita ni Clark. Nagkatinginan kaming lahat bago muling sina
