TYRION LANNISTER
"Sandali! Kilala ko siya."
Nagsalubong ang dalawang kilay nina Aurora at Rex dahil sa pagtataka tungkol sa sinabi ko. Bumuntong hininga ako ng malalim. Tsk. Ngayon pa sila dumating. Hindi pa nasasabi sa kanila ang tungkol kay Clark e.
"Kilala mo siya? Paano nangyari 'yon e hindi ka naman taga-"
"Hinahanap kayong dalawa nina Rem at David. Pumasok muna kayo sa loob ng kuwarto."
Hindi ko na hinayaang tapusin ni Rex ang pananalita niya dahil baka marinig pa 'yon ni Clark. Sa halip, tinulak ko na lang silang dalawa papasok sa loob ng kuwarto. Mabuti na lang at hindi na sila naglaban pa habang tinutulak ko sila. Tumingin lang sila saglit sa direksiyon ni Clark at pagkatapos ay kusa na silang pumasok sa loob.
Nang tuluyan kaming maiwan ni Clark ay muli akong humarap sa
