TYRION LANNISTER
Hindi muna ako nagbigay ng kahit anong reaksyon nang lumabas si Leina. Nakatitig lang ako sa kaniya habang pinagmamasdan ko ang hangin na nakapalibot sa kaniya.
"Lumabas na kayo dahil alam kong nasa paligid lang kayo."
Nanatili na nakatuon sa akin ang paningin ni Leina kaya hindi ako nagpahalata na kinabahan ako dahil sa sinabi niya. Sinasabi ko na nga ba at alam ni Leina na nasa paligid lang ang mga kasama ko.
Samantala, sa isang iglap ay nagpakita nga ang sina David at ang iba pa kay Leina. Napakagat na lang ako sa aking ibabang labi dahil sa inis. Tsk. Bakit naman sumunod sila agad sa sinabi ng batang ito?
"Kung gusto ninyo kong makuha ay may alam akong laro para sa inyo. Madali lang naman." Mas lumawak pa ang ngiti ni Leina sa direksiyon namin subalit ang kan
