TYRION LANNISTER
Pagkadating namin sa inn ay agad na lumapit sa amin ang may-ari ng inn para salubungin kami at batiin.
"Maligayang pagbabalik sa inyo. Nakahanda na ang inyong pagkain," ngumiti sa amin si Rosa at tinuro sa amin ang lamesa na nakahanda na para sa amin.
"Maraming salamat, Rosa." Ngumiti pabalik sina Rem at Aurora sa kaniya. Pagkatapos ay nauna na ang mga ito sa aming lamesa. Sumunod na lang kaming apat sa kanila.
Isa pa sa gusto ko sa mundong ito. Kapag tumuloy ka sa inn nila ay mararamdaman mo talaga na nasa bahay ka lang dahil sasalubungin ka nila lagi at sa bawat pagdating ninyo ay may nakahanda na agad na pagkain. Inn lang ang tinutuluyan namin, pero pakiramdam ko ay higit pa roon ang natatanggap naming serbisyo mula sa kanila.
Pagkaupo ko sa lamesa ay agad akon
