TYRION LANNISTER
Dahil nga bumalik na sa dati ang klima ng bayan ay bumalik din sa dati ang sigla ni Rosanna. Nakapulupot na naman ang mga kamay niya sa braso ko. Hinayaan ko na lang siya dahil hindi naman siya mas'yadong nakakaabala sa akin.
Abala ang mga kasama namin sa pagtulong sa mga tao habang binabantayan ko naman si Rosanna dahil hanggang ngayon ay nanghihina pa rin siya.
"Mahal na prinsipe, sabihin mo sa akin. May hawak ka bang may kapangyarihan na bagay ngayon bukod sa wand?"
Napaisip ako sa tanong ni Rosanna. Hawak ko ang wand at bukod sa wand ay hawak ko ang kuwintas na orasan ngunit hindi ko p'wede sabihin sa kaniya ang tungkol doon. Isa pa, bakit bigla naman niyang tinanong ang tungkol sa bagay na 'to?
"Wala na. Bakit mo pala naitanong?" tanong ko kay Rosanna habang
