TYRION LANNISTER
Rafael. . .
Ano kayang maaari kong malaman sa iisang clue ko ngayon para malaman kung nasaan ang mga kasamahan ko?
Isang malalim na buntong hininga ang pinakawalan ko habang patuloy pa rin ako sa paglalakad.
May nakasalubong akong dalawang tao kaya agad akong lumapit sa kanila para makapagsimula na kong magtanong.
"Magandang araw sa inyo. May kilala ba kayong Rafael dito?" nakangiti kong tanong sa kanila.
Nginitian ako pabalik ng dalawang babae, pero tinitigan nila ko mula ulo hanggang paa. Pagkatapos ay bumalik ang paningin nila sa aking mga mata. Sabay din silang umiling sa tanong ko kanina.
Tss. Ang lakas ng loob nilang tumitig sa akin, pero hindi naman pala nila alam ang sagot sa tanong ko. Parang inaasar lang yata ako ng mga 'to e.
"Pasensiya na. Wala k
