TYRION LANNISTER
Natigilan ako nang biglang umilaw ang kuwintas na orasan na nasa aking bulsa. Tumingin muna ako sa mga kasama ko bago ko pasimpleng nilabas ang kuwintas na orasan para tingnan ko ano na ba ang nangyayari.
Nanlaki ang mata ko nang makita ang kulay ng ilaw na nagpakita sa kuwintas na orasan. Naalala ko bigla si Leina. Siya kaya ang dahilan kaya ganito ang kulay ng liwanag ng kuwintas na orasan ngayon? Pero, bakit ito umiilaw ngayon?
Sinubukan kong itapat ang kuwintas na orasan sa pader habang hindi pa nakatingin ang mga kasamahan ko sa aking direksiyon.
Biglang humangin ng malakas. Ang hangin ay tila nagmumula sa kapangyarihan ni Leina dahil sa sobrang lakas nito.
"Si Leina! Nasaan si Leina?!"
Nakagat ko na lang ang ibabang labi ko dahil sa sigaw ni Rem. Sinasabi
