TYRION LANNISTER
Pagkatapos umusal ng spell ni Rosanna ay agad na nagliwanag ang wand na hawak niya. Bigla rin lumamig ang paligid. Ang ibig kong sabihin ay mas lalong lumamig ang paligid. Kulay puti rin ang liwanag na taglay ni Rosanna. Pagkalipas ng ilang minuto ay may biglang pumatak sa lupa. Nang una, akala ko ay ulan ang pumatak, pero hindi pala. Isang snow.
Hindi ako nakapagbigay ng reaksyon agad sa kanila dahil namangha ako sa aking nakita. Sa earth kasi na tinitirahan ko ay malabong magkaroon ng snow at sa buong buhay ko ay ngayon pa lang talaga ko nakakita ng snow. Hindi pa rin kasi ako nakakapunta sa ibang bansa.
Sa sobrang abala ko sa snow ay hindi ko namalayan na nag-uusap na pala ulit ang mga kasama ko pati na si Rosanna.
"Kung gano'n ay snow pala ang pangunahin mong k
