TYRION LANNISTER
Nagkatinginan kaming tatlo dahil sa nangyari. Ang mga kasama ko ay tila natahimik at may iniisip na malalim.
"Bakit? Kilala n'yo ba 'yong batang babae na nagpakita?"
Naghintay ako ng ilang minuto bago umiling sa akin ang dalawa kong kasama.
"Hindi. Akala ko ay si Rexsha ang nagpakita. Ka-mukha lang siguro niya."
"Bakit? Sino ba si Rexsha? Saka paano kung siya nga si Rexsha?"
Ngumiti sa akin si Aurora at bumuntong hininga ng malalim.
"Hindi siya si Rexsha. Kulay bughaw ang buhok ni Rexsha at ang tinutukoy namin kanina pa ay isa rin sa apat na generals."
Tumango na lang ako sa sinabi ni Aurora. Kung gano'n pala ay hindi maganda kung magpapakita rin sa amin ngayon ang isa pa sa apat na generals. Sa isa nga lang ay nahihirapan na kami e. Paano pa kaya kung sabay
