TYRION LANNISTER
Parang babaliktad na ang sikmura ko sa ginagawa ng babae. Dagdagan pa ang kaalaman na hindi pa ko nakakain at kanina pa kumukulo ang tiyan ko.
Nilabas ko na lang ang hawak kong kuwintas na orasan at tiningnan ko ang mga kamay nito. Nagsalubong ang dalawang kilay ko dahil sa pagtataka. Bakit nasa normal pa rin ang takbo nito? Mukha ba kong wala sa panganib ngayon?
Binalik ko ang aking paningin sa direksiyon ng babae. Napatingin ako sa itaas niya kung saan may isang bagay na pabagsak sa lupa. Mukhang napansin din ito ng babae kaya napatingin siya sa kaniyang taas.
Subalit hindi ito bumagsak sa lupa. Ang inaakala kong bagay lang ay isa pa lang tao at mabilis itong sumugod sa direksiyon ng babae mula sa ere. May hawak itong espada at may paru-paro sa paligid nito. Sumu
